(親身經歷)住宅內有鬼

圖片來自：網路搜尋




這是我親生經歷喔，是真人真事。

當時11~12歲時就搬入那間屋，搬入前我姐姐從樓下望上向住的單位見到有個揮手的女仔

個時就唔信啦，而且信都冇用因為已經租了。

之後搬入去之後我自己一間房，個間房長年都冇陽光照射，所以好暗\

有晚我熄燈訓覺個時，大約訓左3粒鍾的時間就開始感到有人壓住咁，之後可以睜開眼睛

但太黑甚麼都看不到，壓到透不到氣，隔左10min左右就冇了，之後就開燈訓成晚都不敢訓著

起初以為錯覺，第二晚就開燈訓啦，點知又到深夜時有野壓住自己，比昨晚更厲害

吸氣時感到好像有人用手蓋住個鼻咁，個時我就好鬼死驚啦，想叫又叫唔出去，又睇唔到有人

以為自己就窒息死的時候又突然冇哂有人壓住的感覺仲可以正常呼吸。

之後每星期都有幾晚係咁，但已經晚晚開燈訓。

結果有晚訓到迷迷糊糊的時候，又開始感覺到，之後個次睜開眼時我就見到有個影，係個男人

想看清楚時就唔見左啦

呢件是在個間屋其一靈異事件

我自從見到個個男人之後，開始運程唔好

經常病仲搞到要休學，個時媽媽成日帶我去燒衣搵人黎搞都冇用

之後我就搬去同我姐姐一齊訓，因為我姐姐有光訓唔到所以就熄燈

有晚係家姐間房到熄左燈時見到有個女仔企起窗，不過好快就冇左，當時我就當錯覺

之後搬左去家姐間房時開始冇咁多鬼壓床，可是有些時候還是有

有一晚仲聽到有好多人係耳邊講野，但講咩就唔知啦

除左之外我媽媽有晚去廁所時見到有個女影係廁所與大門之間飄過

個時有兩間廁所，一間廁所是近大大門。

還有有晚我自己係家姐間房玩電腦時，因為電腦前面是一塊好大的鏡子，突然我見到有個同我差唔多年齡的

女仔企起到，長長地頭髮望住我，個時我自己有帶眼鏡而佢冇帶，之後又消失左。

其實搬入去前我屋企養左隻狗才五年左右，由於個狗籠是離地，但唔係太遠

但有日下午突然隻狗吠得好大聲，之後就去望佢時見到佢係地下，起初以為佢自己跳落黎

不過平時佢好乖唔會跳出黎，咁我地就冇留意，點知我訓晏就覺時，隻狗無啦啦死左

個時爸爸話我知隻狗好似比野嚇死左咁，佢死個時仲瞪開隻眼..><..

之後佢頭7個日我媽媽聽到隻狗返黎(呢個唔關個個宅靈)

其後過左2年左右我買左隻細狗，而我將以前訓果間房比隻細狗住，佢晚晚都好似同人追

咁係間房跑黎跑去，有時仲會撞到添，有時係間屋突然吠叫之後就跑去大門個個廁所果到

無耐就搬走左啦

奇怪的就係搬左新屋的時候已經冇比野壓住訓覺的感覺，而且再冇見到個架野

因為果時我係長髮，媽媽知我見過個個女仔之後，個日搬到新屋時即刻幫我剪髮

果時我媽媽同姐姐仲有兩個親人，都話一放低把頭髮感覺好似我形容個個女仔一樣

不過剪左之後成個人都精神哂，之後身體都逐漸好返。

額外:

就係我地搬入去時要大掃除，個時我姐姐同表姐幫手清理櫃裡面的東西時

一打開全部都是陰司紙，但個時岩岩入去，d傢俱還未拆

係上一手住戶留下，而且上一手的住戶仲嬲到剪哂睇電視的電線，結果要我地自己整返

由於見到個d兄弟姐妹，我地又問隔離屋係唔係有人死過，但個個都好似避開唔講

後來問過看更原來上手住左唔夠幾個月就搬了

其實個時我地掃塵成日都是紅色，結果搬走時我姐姐返去拎埋最後個次野

見到間屋的塵好似血紅色咁，當時嚇到佢即刻走

之後我地搬走之後一個月返去拎d舊信時，問過看更現在的住戶，

個看更就話我地搬走無耐就有個單身的女人住，但過左一個月就搬去

總總事件更加肯定有個d野

自從個次見過之後現在的我一去到墓地類近的地方就會頭暈

有時仲會見到果d野，後來我先知原來我公公的媽媽原來是做靈媒個類型的人

而我媽媽細個個時公公的媽媽本來想搵我媽媽繼承佢的事業，但我婆婆就唔比啦

唔知係唔係遺傳呢?.?雖然唔知個間屋的兄弟姐妹係唔係唔想同人分享所以先咁還是想搵人幫佢呢

其實不止這些還有其他靈異的事件，不過打唔曬咁多

不過我絕對相信世界有個d兄弟姐妹，我的經歷信不信由你

轉貼:伊莉論壇-靈異鬼故事 (如果違反著作權 請來信告知) 作者: 無量子風水運勢分析